Iroq poytaxtida 17-may, seshanba kuni sodir etilgan portlashlarda 60 ga yaqin kishi halok bo‘ldi. Bu haqda “TASS” xabar bermoqda.
Bag‘doddagi uch portlashda 58 kishi nobud bo‘ldi, 90 ga yaqin odam jarohatlandi.
Birinchi portlash shahar shimolidagi Ash-Shaab tumanidagi bozorda sodir bo‘ldi va 38 kishi hayotdan ko‘z yumdi. Portlash xudkush ayol tomonidan sodir etilgani xabar qilinmoqda.
Bag‘dod janubidagi Ar-Rashidda minalashtirilgan avtomobilning portlashi oqibatida 6 kishi halok bo‘ldi. Asosan shialar istiqomat qiladigan Madinat as-Sadr tumanida yuz bergan yana bir portlash 14 kishini hayotdan olib ketdi.
Izoh (0)