AFP agentligining “ajdodi”, dunyodagi ilk axborot agentligi — “Gavas” asoschisi Sharl-Lui Gavasga tegishli bo‘lgan soat 16-may kuni Jenevada o‘tkazilgan kimoshdi savdosida 3,245 million Shveysariya franki (taxminan 3,327 million dollar)ga sotildi, deya xabar bermoqda “TASS” Christie’s auksion uyiga tayanib.
Bunda gap Breguet markasidagi 217-raqamli cho‘ntak soati haqida bormoqda. Dastlab Sharl-Lui Gavas tomonidan 1817-yilda xarid qilingan soat Shveysariyadagi xususiy muzeydan joy oladi.
Soatga vaqtni baravarlashtirish mexanizmi o‘rnatilgan bo‘lib, u o‘rtacha mahalliy vaqt va real quyosh vaqti o‘rtasidagi farqni ko‘rsatish imkonini beradi.
Sharl-Lui Gavas (1783—1858-yillar), fransiyalik bankchi, tarjimon va jurnalist, 1832-yilda “Gavas tarjimalari byurosi”ni ochgan, u xorijiy matbuot obzorlarini tayyorlash bilan shug‘ullangan. Byuro 1835-yilda “Gavas” agentligiga aylantirilgan, keyinroq Yevropada keng muxbirlar tarmog‘i yaratilgan. 1944-yilda esa uning asosida AFP agentligi ochilgan.
Izoh (0)