Tailand rasmiylari Andaman dengizidagi Similan orollari tarkibiga kiruvchi Ko Tachay orolini sayyohlar tashrifi uchun yopib qo‘yish niyatida. Mansabdorlar o‘z qarorini orol ekologiyasini tiklash zaruriyati bilan izohlamoqda, deya xabar beradi “RBK”.
“Similan” milliy bog‘ining bir qismi hisoblangan orol may o‘rtalaridan oktabr oyi yarmigacha yopiladi. Biroq sayyohlarga ushbu muddat yakunlanganidan keyin ham Ko Tachayga kelish man etilishi taxmin qilinmoqda.
“12 kvadrat kilometr maydonga ega orol aslida sayohat uchun mo‘ljallanmagan. Uning plyaji nari borsa 70 kishini sig‘dirishi mumkin, lekin ba’zan unda 1000 ga yaqin kishi joylashadi. Ustiga-ustak, orol sayyohlik qayiqlari va taom sotiladigan do‘konchalarga to‘lib ketadi. Shu sababli Ko Tachay o‘zini yo‘qotib bormoqda”, — deya qayd etgan Bangkokdagi Kasetsart qishloq xo‘jaligi universiteti vakili.
Izoh (0)