Россия президенти Владимир Путинга намойиши чоғида узилиб кетган «УАЗ-Патриот» автомобили тутқичи жойига қайтарилди. Кремль мазкур воқеага жиддий муносабатда бўлмасликка чақирмоқда, дея хабар беради «ТАСС».
«Бўлиб ўтган воқеа машинанинг сифатига алоқадор эмас, бунга мезон ҳам бўлолмайди. Шунинг учун, келинг, бу каби ҳангомаларга юмор ва хайрихоҳлик билан муносабатда бўлайлик. Масалага жиддий тус бериш ёки қандайдир ҳайфсанлар кутиш керак эмас. Эшик тутқичи эса жойига қайтарилган, хотиржам бўлинг», — дея изоҳ берган президентнинг матбуот котиби Дмитрий Песков журналистларнинг бу ҳақдаги саволларига жавобан.
Изоҳ (0)