Buyuk Britaniya hududida terakt tayyorlashda aybdor deb topilgan 25 yoshli britaniyalik Yunid Xan bir umrlik qamoq jazosiga mahkum etildi, deb yozadi “Interfaks”.
Avvalroq ishni olib borayotgan prokuror tergov doirasida Xan IShID jangarilari bilan AQShning Buyuk Britaniyadagi harbiy obyektlariga hujumlar usullarini muhokama qilgani aniqlanganini aytgan edi.
Farmatsevtika kompaniyasida ekspeditor haydovchi bo‘lib ishlagan Xan IShID guruhiga mehr qo‘ygan va 2015-yil may—iyunida ish bahonasida AQSh harbiy-havo kuchlarining Angliya sharqida joylashgan bazasini kuzatgan.
Politsiyachilar Xanning uyini tintuv qilganida IShID bayrog‘ini hamda qo‘lbola bomba tayyorlash haqidagi maqola bo‘lgan noutbukni aniqlagan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)