Польшанинг Редзиково қишлоғида АҚШнинг ракетага қарши мудофаа тизимини қуриш ишлари бошланди, дея хабар бермоқда «РБК».
Қурилишнинг очилишида Польша президенти, мамлакат мудофаа ва ташқи ишлар вазирлари, АҚШ томонидан эса мудофаа вазири ўринбосари, элчи, АҚШ ҳарбий-денгиз кучларининг Европадаги бош қўмондони, шунингдек, Руминия мудофаа вазири қатнашди.
Польша мудофаа вазири Антони Мацеревич ракетага қарши мудофаа тизимини ўрнатишдан мақсад Польша ва иттифоқдошларининг мудофаа қобилиятини оширишдан иборат эканлигини айтди.
Польшада база қуриш бўйича 182 миллион долларлик шартнома 2016 йил февралида имзоланган эди. 2018 йилда ишга тушириладиган объектда 300 нафаргача ҳарбий хизматчи ва оддий фуқаролар хизмат қилади.
Эслатиб ўтамиз, 12 май, пайшанба куни Руминиядаги Девеселу базасида НАТОнинг ракетага қарши мудофаа қурилмаси ишга туширилган эди.
Изоҳ (0)