Toshkent shahridagi Sodiqjon Tolipov ko‘chasida MAN yuk mashinasi hamda Matiz va Damas avtomobillari ishtirokida yo‘l-transport hodisasi yuz berdi. Facebook’dagi “Voditeli Tashkenta” guruhida qoldirilgan xabarga ko‘ra, hodisa 13-may, juma kuni yuz bergan.
“Bugun, Aeroportdan Temiryo‘l muhandislari institutiga olib boruvchi yo‘lda yuz bergan avariya, qurbon bo‘lganlar bor”, — deb yozadi Facebook foydalanuvchisi.
Xabarga ilova qilingan fotosuratlarda to‘qnashuv natijasida old tomoni deyarli yo‘q bo‘lib ketgan Matiz, avariya oqibatida jiddiy zararlangan MAN yuk mashinasi va Damas’ni ko‘rish mumkin. Hodisa joyida ko‘plab militsionerlardan tashqari, qutqaruv xizmati xodimlari ham bo‘lgan.
Qurbonlar va jabrlanuvchilar soni haqida aniq ma’lumot hozircha mavjud emas.
Izoh (0)