“Lester” chempion bo‘lganidan keyingi o‘yinda ham zafar quchdi

• Rasman: “Lester” klubi o‘z tarixida birinchi bor Angliya chempionligini qo‘lga kiritdi

Angliya Premyer-ligasining 7-may sanasidan joy olgan so‘nggi o‘yinida chempion “Lester” navbatdagi g‘alabasini qo‘lga kiritdi. “Everton”ni qabul qilgan Klaudio Ranyeri jamoasi 3:1 hisobida zafar quchdi.

• Klaudio Ranyeri: “Lester” futbolchilari Angliya chempionatida g‘olib bo‘lishga munosib edi

“Vest Hem”ga qarshi o‘yinda qizil kartochka olgan “Lester” hujumchisi Jeymi Vardi keyingi ikki turni qo‘yib yuborgandi. U maydonga qaytishi bilan dublini nishonladi.

Bu gollar Vardini to‘purarlar poygasida 2-o‘ringa olib chiqdi. “Tottenhem” hujumchisi Harri Keyn hisobida 25 ta, Vardida 24 ta, “Manchester Siti” a’zosi Serxio Agueroda 23 ta gol mavjud. Qayd etish kerak, Vardi gollar soni bo‘yicha Keynga yetib olishi ham mumkin edi. Biroq u 72-daqiqada penaltidan aniq foydalana olmadi.

• FIFA, Italiya bosh vaziri va bir qator Yevropa klublari “Lester”ni chempionlik bilan tabrikladi

Mazkur g‘alabasidan keyin “Lester” ochkolari sonini 80 taga yetkazdi. Navbatdagi turni chempion “Lester” sobiq chempion “Chelsi”ga qarshi o‘tkazadi.

Angliya Premyer-ligasi 37-tur bellashuvi 7-may, shanba

“Lester” — “Everton” 3:1

Gollar: Jeymi Vardi, 5 (1:0). Endi King, 33 (2:0). Jeymi Vardi, 66-pen (3:0). Kevin Miralyas, 88 (3:1).Noaniq penalti: Jeymi Vardi, 72 (L).

• Jahon matbuoti “Lester” ertagi haqida nima deb yozmoqda?

• “Lester” Premyer-ligadagi g‘alabasi uchun 190 mln yevro ishlab oladi

• “Lester” chempionligi munosabati bilan klub xo‘jayini har bir futbolchiga Mercedes sovg‘a qiladi

• Kolumbiyalik oila “Lester”ning chempionligi munosabati bilan o‘g‘liga Lester David deb ism qo‘ydi