«Лестер» чемпион бўлганидан кейинги ўйинда ҳам зафар қучди

• Расман: «Лестер» клуби ўз тарихида биринчи бор Англия чемпионлигини қўлга киритди

Англия Премьер-лигасининг 7 май санасидан жой олган сўнгги ўйинида чемпион «Лестер» навбатдаги ғалабасини қўлга киритди. «Эвертон»ни қабул қилган Клаудио Ранери жамоаси 3:1 ҳисобида зафар қучди.

• Клаудио Ранери: «Лестер» футболчилари Англия чемпионатида ғолиб бўлишга муносиб эди

«Вест Ҳэм»га қарши ўйинда қизил карточка олган «Лестер» ҳужумчиси Жейми Варди кейинги икки турни қўйиб юборганди. У майдонга қайтиши билан дублини нишонлади.

Бу голлар Вардини тўпурарлар пойгасида 2-ўринга олиб чиқди. «Тоттенҳэм» ҳужумчиси Ҳарри Кейн ҳисобида 25 та, Вардида 24 та, «Манчестер Сити» аъзоси Серхио Агуэрода 23 та гол мавжуд. Қайд этиш керак, Варди голлар сони бўйича Кейнга етиб олиши ҳам мумкин эди. Бироқ у 72-дақиқада пенальтидан аниқ фойдалана олмади.

• ФИФА, Италия бош вазири ва бир қатор Европа клублари «Лестер»ни чемпионлик билан табриклади

Мазкур ғалабасидан кейин «Лестер» очколари сонини 80 тага етказди. Навбатдаги турни чемпион «Лестер» собиқ чемпион «Челси»га қарши ўтказади.

Англия Премьер-лигаси 37-тур беллашуви 7 май, шанба

«Лестер» — «Эвертон» 3:1

Голлар: Жейми Варди, 5 (1:0). Энди Кинг, 33 (2:0). Жейми Варди, 66-пен (3:0). Кевин Мираляс, 88 (3:1).Ноаниқ пенальти: Жейми Варди, 72 (Л).

• Жаҳон матбуоти «Лестер» эртаги ҳақида нима деб ёзмоқда?

• «Лестер» Премьер-лигадаги ғалабаси учун 190 млн евро ишлаб олади

• «Лестер» чемпионлиги муносабати билан клуб хўжайини ҳар бир футболчига Mercedes совға қилади

• Колумбиялик оила «Лестер»нинг чемпионлиги муносабати билан ўғлига Лестер Давид деб исм қўйди