Suriyada mamlakat ichida ko‘chirilgan kishilar lagerining bombardimon qilinishi harbiy jinoyat deb baholanishi mumkin. Bunday nuqtai nazarni BMTning inson huquqlari bo‘yicha Oliy komissari Zayd Raad al-Husayn Jenevada aytib o‘tdi, deb yozadi “TASS”.
“Men Suriya shimoli-g‘arbida, Turkiya chegarasi yaqinidagi Sarmadada lagerlar bombardimon qilinganini so‘zsiz qoralayman”, — dedi al-Husayn.
Uning ta’kidlashicha, ushbu lagerlar bu joyda bir necha haftalardan beri turibdi, shu tufayli “qirg‘inli hujumlar tasodif bo‘lganligi amri mahol”. “Ular qasddan uyushtirilgani va harbiy jinoyatlarga taalluqli ekanligi ehtimoli ko‘proq”, — deya o‘z fikriga yakun yasadi BMTning inson huquqlari bo‘yicha Oliy komissari.
Uning so‘zlariga ko‘ra, “dastlabki xabarlar hujumlarni Suriya hukumati uyushtirgani haqida ma’lum qilgan, ammo bularning barchasi hali tekshirilishi kerak”.
Izoh (0)