BMT bosh kotibi mustaqil OAVlarni siquvlardan himoya qilishga chaqirdi

BMT bosh kotibi Pan Gi Mun davlatlar hukumatlarini mustaqil OAVlarni siquvdan himoya qilishga va ularning faoliyati uchun “erkin, mustaqil va xavfsiz” sharoitlar yaratishga chaqirdi, deb yozadi “TASS” bosh kotibning Xalqaro matbuot erkinligi kuni munosabati bilan e’lon qilingan bayonotiga tayanib.

Bayonotda u odamlarni axborotga ega bo‘lish huquqi bilan ta’minlash jarayonida o‘z hayotini xavf ostiga qo‘yadigan jurnalistlarni qadrlash kerakligini ta’kidladi.

BMT ma’muriy rahbari OAV xodimlari ko‘plab mamlakatlarda tobora ko‘proq duch kelayotgan cheklovlardan xavotirda ekanligini bildirdi. Shu bilan birga, u jurnalistlardan BMTga 2015-yil sentabrida Nyu-Yorkdagi sammitda qabul qilingan, nochorlik va ochlikka qarshi kurash kabi sohalardagi qator vazifalarni ko‘zda tutuvchi Barqaror rivojlanish maqsadlarini olg‘a surishda yordam berishga chaqirdi.

BMT Bosh Assambleyasi 1993-yilda 3-mayni Xalqaro matbuot erkinligi kuni deb e’lon qilgan edi.