Eron prezidenti Hasan Ruhoniy janubiy koreyalik hamkasbi Pak Kin Xe bilan uchrashuvidan so‘ng Koreya yarim oroli yadro qurolidan xoli hudud bo‘lishi zarurligini ma’lum qildi. Bu haqda “RIA Novosti” xabar bermoqda.
“Biz har qanday ommaviy qirg‘in qurollari yaratilishiga qarshi chiqib kelamiz. Talabimiz — dunyo, xususan, Koreya yarimoroli va Yaqin Sharq ommaviy qirg‘in hamda yadro qurolidan xoli bo‘lishi lozim”, — deb ta’kidlandi Ruhoniy Pak Kin Xe bilan birgalikdagi matbuot anjumanida.
Janubiy Koreya prezidenti 1-may, yakshanbadan beri Eronda bo‘lib turibdi. Davlat rahbariga 200 dan ziyod biznesmenlar hamrohlik qilmoqda.
Izoh (0)