“Jabhat an-Nusra” jangarilari va ularning muxolifat qurolli tuzilmalaridagi ittifoqdoshlari Aleppodagi turar-joylarni o‘qqa tutishni to‘xtatmayapti. Ma’lumotlariga ko‘ra, sutka davomida shaharda 6 kishi halok bo‘ldi, 40 dan oshiq kishi jarohatlandi. Bu haqda “TASS” xabar bermoqda.
Suriya armiyasi himoyasidagi Jamiliya, Sulaymoniya, Maydon va Azimiya dahalari yana jangarilar zarbasiga nishon bo‘ldi. Snaryadlar shaharning savdo markazlari— Baron va Nil ko‘chalari, meriya binosi oldida va Sa’dulla al-Jobiriy maydoniga ham tushdi. Buning oqibatida jiddiy moddiy zarar ko‘rilgani va jabrlanganlar bo‘lgani bildirilmoqda.
Shuningdek, shahardagi Said Ali masjidi ham o‘q ostida qoldi. Namozxonlar orasida yaralanganlar bor, ular kasalxonaga yetkazildi.
Izoh (0)