Moskvadan Sankt-Peterburgga kattalar hamrohligisiz uchib kelgan 11 yoshli qizning onasi aeroport va aviakompaniyadan to‘lov talab qiladi. Bu haqda Sankt-Peterburg shahar ijtimoiy qo‘mitasi raisi Aleksandr Rjanenkov ma’lum qildi, deya xabar beradi “TASS”.
“Ayol bilan muloqotda bo‘lgan qo‘mitamiz xodimlarining aytishicha, u aeroport va bolani Peterburgga olib kelgan kompaniyadan tovon talab qilishga chog‘langan. Uning o‘zi qizini olib ketish uchun bu yerga kelish niyatida emas”, — deya ta’kidlagan Rjanenkov.
Oldinroq “Pulkovo” aeroportida yonida kattalar bo‘lmagan 11 yoshli qiz topilgan. Ma’lum bo‘lishicha, u ko‘p bolali oila bilan birgalikda havo kemasiga chiqib olgan va mustaqil ravishda Moskvadan uchib kelgan. Peterburg transport politsiyasi hodisa tafsilotlarini o‘rganishga kirishdi.
Izoh (0)