11 yoshli o‘quvchi qiz chiptasiz samolyotga o‘tirdi va Moskvadan Sankt-Peterburgga uchib ketdi, deya xabar bermoqda “RBK” Peterburg huquq-tartibot organlariga tayanib.

Qizcha 25-aprel, dushanba kuni Moskvaning “Vnukovo” aeroportida chiptasiz nazoratdan o‘tdi. Shundan so‘ng u “Rossiya” aviakompaniyasining samolyotiga o‘tirib, “Pulkovo”gacha uchib bordi. O‘z xatti-harakatini qizcha parvoz qilish istagi bilan izohladi.

Ichki ishlar vazirligining transport boshqarmasida hodisa haqidagi ma’lumotni tasdiqlashdi. Qizcha ijtimoiy boshpanaga jo‘natildi, uni ota-onasiga qaytarish masalasi ko‘rilmoqda. Voyaga yetmagan Moskva fuqarosining kattalar hamrohligisiz “Pulkovo”da paydo bo‘lishi bilan bog‘liq vaziyat o‘rganilmoqda.