Norvegiyaning Telenor telekommunikatsion xoldingi 12 oy ichida Vimpelcom Ltd.’dagi ulushini sotish niyatida. Bu haqda Norvegiya xoldingiga tayanib, “Vedomosti” xabar berdi.
“Xoldingning ulushi 12 oy ichida yuqori ehtimol bilan sotilmagunicha, Vimpelcom bundan keyin ham birlashgan kompaniya sifatida Telenor hisobotida nazarda tutiladi”, — deya ta’kidladi Telenor.
Avvalroq Vimpelcom’ning qadrsizlanishidan Norvegiyaning Telenor telekommunikatsiya xoldingi 2015-yilda 670 million dollar miqdorida zarar ko‘rgani xabar berilgan edi.
Norvegiyaning Telenor kompaniyasi MDH, Italiya, Osiyo va Afrikaning qator davlatlarida telekommunikatsiya biznesi bilan shug‘ullanadigan VimpelCom xoldingining o‘ziga tegishli 33% aksiyalar paketini sotishga qaror qilgani 2015-yil oktabridayoq ma’lum bo‘lgan edi.
Izoh (0)