25-aprel, dushanba kuni Yaponiyada 2020-yilgi Tokio Olimpiada va Paralimpiya o‘yinlarining yangi ramzlari tasdiqlandi. Bu haqda “RIA Novosti” xabar bermoqda.
O‘yinlarning avvalgi ramzlaridan belgiyalik dizayner Olivye Debining yaponiyalik hamkasbi Kendziro Sano yaratgan “T” harfi shaklidagi logotip undan ikki yil oldin yaratilgan Lyej shahri teatri logotipiga o‘xshashligi haqidagi da’vosidan so‘ng voz kechilgandi.
Yangi ramzlar indigo rangidagi “shaxmat taxtasi” naqshidan iborat halqalar ko‘rinishida bo‘lib, Yaponiyada Edo davrida (1603–1867-yillar) ommalashgandi. Ular ostiga “Tokio 2020” yozuvi va Olimpiada halqalari joylashtirilgan.
Izoh (0)