O‘zbekistonning tog‘li hududlarida, Toshkent, Samarqand, Jizzax va Sirdaryo viloyatlarida 26-aprel, seshanba kuni yog‘ingarchilik kutiladi. Bu haqda “O‘zgidromet” markazi xabar bermoqda.
Toshkent shahrida seshanbaga o‘tar kechasi havo harorati +12...+14 daraja, kunduzi esa +25...+27 daraja iliq bo‘ladi, kunning ikkinchi yarmida qisqa muddatli yomg‘ir yog‘ishi, momaqaldiroq bo‘lishi kutilmoqda.
Qoraqalpog‘iston Respublikasi, Xorazm, Buxoro, Navoiy, Qashqadaryo, Surxondaryo viloyatlarida yog‘ingarchilik kutilmaydi, 26-aprelga o‘tar kechasi havo harorati +10...+17 daraja, kunduzi +25...+30 daraja iliq bo‘ladi. Farg‘ona vodiysida ham yog‘ingarchilik kutilmaydi, kechasi +15 darajagacha, kunduzi +28 darajagacha iliq bo‘lishi kutilmoqda.
Toshkent, Samarqand, Jizzax, Sirdaryo viloyatlarida 26-aprelga o‘tar kechasi havo harorati +12...+17 daraja, kunduzi esa +22...+27 daraja iliq bo‘ladi. Seshanba kuni qayd etilgan hududlarning ba’zi joylarida qisqa muddatli yomg‘ir yog‘ishi, momaqaldiroq bo‘lishi kutilmoqda.
O‘zbekistonning tog‘li hududlarida ham 26-aprel kuni yomg‘ir yog‘ishi, momaqaldiroq bo‘lishi mumkin; havo harorati kechasi +2...+7 daraja, kunduzi +10...+15 daraja iliq bo‘ladi.
Izoh (0)