Facebook’dagi “Voditeli Tashkenta” guruhida Toshkent ko‘chalarida mototsikl minib yurgan otaxon suratlari paydo bo‘ldi, qizg‘in muhokamalarga sabab bo‘ldi.
Foydalanuvchilar tomonidan e’lon qilingan suratlarda boshida do‘ppisi bor, qor ko‘zoynak taqqan, oppoq soqolli otaxon siyohrang mototsiklni boshqarib ketayotganini ko‘rish mumkin.
“Do‘ppi har qanday dubulg‘a (shlem)dan ko‘ra yaxshiroq himoya qiladi”, — deb hazil-mutoyiba bilan fikr bildirgan foydalanuvchilardan biri. “Bugun biz ham ko‘rdik — qora ko‘zoynakda, oppoq soqolli, ko‘rsang bayker deysan”, — deydi boshqa bir foydalanuvchi.
“Voditeli Tashkenta”ning aksariyat a’zolari mototsiklchi otaxonni olqishlagan, u haqda iliq fikrlar bildirgan.
Izoh (0)