Polshaning Vrotslav shahrida qariyb ikki oy avval vafot etgan ayolning chaqalog‘i dunyoga keldi, deya xabar bermoqda “Vesti”.
41 yoshli ayol homiladorlikning 17-haftasiga yetganida, shifokorlar uning miyasi o‘lganini qayd etgan edi, u saratonga chalingan edi. Ammo ayolning yuragi urishda davom etdi va shifokorlar chaqaloqning hayotini saqlab qolishga muvaffaq bo‘ldi.
Zamonaviy texnologiyalar yordamida mutaxassislar ayol organizmining hayot uchun muhim funksiyalari faoliyatini qo‘llab-quvvatlab turdi. Ona o‘limidan 55 kun o‘tib, kesarcha kesish yo‘li bilan chaqaloqni dunyoga keltirishdi. Bola ikki kilogramm vaznga ega bo‘lib, deyarli ikki oy davomida intensiv davolanish bo‘limida yotdi. So‘ng chaqaloqqa uyga ketish uchun ruxsat berishdi, uni otasi olib ketdi. Ayni paytda bolaning vazni uch kilogrammni tashkil etadi, u butunlay sog‘lom.
Izoh (0)