Amerikaning Forbes jurnali 20-aprel, chorshanba kuni 90 yoshini nishonlagan Buyuk Britaniya qirolichasi Yelizaveta II ning shaxsiy boyligini 530 million dollarga baholadi, deya xabar bermoqda “RBK”.
Yelizaveta II Norfolkdagi Sandringem saroyi va Aberdinshirdagi Balmoral qasriga egalik qiladi. Chexiyaning Luxent agentligidan tarixiy mulk bo‘yicha ekspert ushbu aktivlarni tegishli ravishda 65 million dollar va 140 million dollarga baholadi. Qirolichaga, shuningdek, butun mamlakat bo‘ylab joylashgan qishloq xo‘jaligi uchun mo‘ljallangan bir nechta yer maydonlari va ot fermalari hamda Londondagi ko‘chmas mulklar tegishli.
Bundan tashqari, Yelizaveta II ixtiyorida zargarlik bezaklaridan iborat shaxsiy to‘plam ham bor. Ular orasida Cartier vintaj tiarasi ham bo‘lib, uning narxi 900 ming dollarga baholanmoqda. Qirolicha Yelizaveta II ning shaxsiy tiaralari aynan necha pul turishi noma’lum bo‘lib qolmoqda, ammo ular millionlab dollarga teng bo‘lishi mumkin.
Izoh (0)