Respublikachi milliarder Donald Tramp Nyu-York shtatidagi praymerizda qozongan g‘alabasi sharafiga tantanali marosim uyushtirdi, deya xabar bermoqda “Interfaks”.
Bayram uning Manxetten markazidagi osmono‘par binosida bo‘lib o‘tdi. Milliarder uning g‘alabasini “uni hammadan yaxshiroq biladigan odamlar” ta’minlab berganini ayniqsa yoqimli holat deb atadi.
Eslatib o‘tamiz, AQSh prezidentligi lavozimiga Respublikachilar va Demokratlar orasidan nomzodlar Donald Tramp va Hillari Klinton Nyu-York shtatida bo‘lib o‘tgan praymerizda g‘alaba qozongan edi. Tramp partiyadoshlarining 60,5 foiz ovoziga ega bo‘ldi. Klinton ovozlarning 57,9 foizini qo‘lga kiritdi. Berni Sanders 42,1 foiz ovoz oldi.
Izoh (0)