Qirg‘iziston parlamenti 20-aprel, chorshanba kuni yashirin ovoz berish chog‘ida spikerni saylay olmadi va yangi nomzodlar ishtirok etadigan yangi saylovlar o‘tkazilishini e’lon qildi. Bu haqda “RIA Novosti” xabar bermoqda.
O‘tgan hafta avvalida parlament spikeri Asilbek Jeenbekov akasi Sooronbay Jeenbekov nomzodi mamlakat bosh vaziri lavozimiga ilgari surilganidan so‘ng o‘z istagiga binoan iste’fo bergandi. Uning o‘rniga parlamentdagi “Qirg‘iziston” fraksiyasi yetakchisi Kanatbek Isayev va “Onuguu-Progress” fraksiyasi yetakchisi Bakit Torobayev da’vogarlik qildi.
Ikkala nomzod ham bir xil miqdordagi ovoz to‘pladi, bu esa mahalliy parlament reglamentida ko‘zda tutilmagan. Qonunga ko‘ra, saylovning ikkinchi turida deputatlar ovoz beradigan byulletenda faqat bitta familiya bo‘lishi lozim.
Izoh (0)