AQSh adliya vazirligi “Panama arxivi” hujjatlari e’lon qilinganidan so‘ng oshkor bo‘lgan soliqdan qochish holatlari yuzasidan tekshiruv boshladi. Prokuratura qo‘shimcha manbalar borasida yordam so‘rab, jurnalistlarga murojaat etdi. Bu haqda Nyu-York Janubiy okrugi prokurori Priit Bxarara ma’lum qilgan, deya xabar beradi “RBK”.
Bxarara Jurnalistlik tekshiruvlari xalqaro konsorsiumiga (ICIJ) ofshorlar bo‘yicha e’lon qilingan materiallarda aks etgan masalalarni u bilan muhokama etishni so‘rab, elektron maktub yo‘llagan. Adliya vazirligi tergov jarayonini ro‘kach qilib, prokurorning xabariga izoh berishdan bosh tortdi.
Oldinroq “Panama arxivi”ni tekshirish bo‘yicha Yevrokomissiya maxsus komissiya tashkil etishga qaror qilgandi. Mazkur komissiya vakolati 4-may kuni bo‘lib o‘tadigan konferensiyada Yevroparlament prezidenti tomonidan belgilanadi.
Izoh (0)