Ekvador 16-aprel kuni yuz bergan zilziladan keyingi tiklanish xarajatlarini qoplash uchun yangi soliqlar joriy etadi. Mamlakat prezidenti Rafael Korreaga ko‘ra, tiklanish uchun 3 milliard dollarga yaqin mablag‘ talab etiladi, deya xabar beradi Meduza.
Prezident tomonidan taklif etilayotgan choralardan biri mol-mulki 1 million dollardan ortiq bo‘lgan barcha fuqarolardan bir martalik yig‘im olishdan iborat. Yig‘im ularning mol-mulki qiymatining 0,9 foizini tashkil etishi ko‘zda tutilgan.
Oyiga ming dollardan ziyod ishlab topadigan fuqarolar bir kunlik, 2 ming dollar topadiganlar ikki kunlik, besh ming dollardan oshiq daromadi bor fuqarolar esa besh kunlik daromadi miqdorida soliq to‘laydi.
Shuningdek, Ekvadorda sotuvdan olinadigan soliq miqdori 12 dan 14 foizgacha ko‘tariladi, davlatga qarashli ayrim aktivlar sotuvga qo‘yiladi.
Izoh (0)