Samarqand viloyati Qo‘shrabot tumani IIB navbatchilik qismiga Zarkent qo‘rg‘onida yashovchi fuqaro ariza bilan murojaat qilib, Nexia rusumli avtomobili noma’lum shaxs tomonidan olib qochib ketilgani haqida ma’lum qilgan, deya xabar bermoqda Ichki ishlar vazirligi matbuot xizmati.
Ichki ishlar organlari xodimlari tomonidan aniqlanishicha, ariza muallifi avtomashinasini o‘z uyi oldida qarovsiz qoldirgani oqibatida, avtomobil olib qochilgan.
Olib borilgan chora-tadbirlar natijasida avtomashina Gujumsoy mahallasi hududidan texnik soz holda topildi. Jinoyatni sodir etishda gumonlanuvchi shaxs shu tumanda yashovchi 16 yoshli fuqaro bo‘lib chiqdi.
“Mazkur holat bo‘yicha jinoyat ishi qo‘zg‘atilib, tergov harakatlari olib borilmoqda”, — deyiladi IIV axborotida.
Izoh (0)