O‘zbekistonning Qoraqalpog‘iston Respublikasi, Xorazm, Buxoro va Navoiy viloyatlaridan boshqa hududlarida 12-aprel, seshanba kuni yog‘ingarchilik kutiladi. Bu haqda “O‘zgidromet” xabar berdi.
12-aprelga o‘tar kechasi O‘zbekistonning tog‘li hududlarida havo harorati -2 darajagacha sovishi mumkin. Farg‘ona vodiysi va mamlakat markazidagi viloyatlarda, shuningdek, Toshkent shahrida havo harorati kechasi +8 darajagacha, qolgan hududlarda +10 darajagacha iliq bo‘ladi.
Xabar berishlaricha, 12-aprelda O‘zbekistonning tog‘li hududlarida yog‘ingarchilik kutiladi, Toshkent, Samarqand, Jizzax, Sirdaryo, Qashqadaryo, Surxondaryo, Andijon, Namangan, Farg‘ona viloyatlari va Toshkent shahrida yomg‘ir yog‘ishi mumkin.
12-aprel kuni kunduzi Qoraqalpog‘iston Respublikasi va Xorazm viloyatida havo harorati +23 darajagacha ko‘tariladi. Tog‘li hududlarda havo harorati +10 darajagacha, Toshkent shahrida esa +15 darajagacha, qolgan hududlarda +18...+20 daraja oralig‘ida iliq bo‘lishi kutilmoqda.
Izoh (0)