Мексиканинг Герреро штатидаги Акапулько курорт-шаҳри кўчаларидан бирида 9 апрель, шанба куни йўловчи автобуси ағдарилиб кетиши оқибатида 50 киши жароҳат олди. Улардан 18 нафарининг ҳолати оғирлиги билдирилган, дея хабар беради «ТАСС».
Ҳодиса жойига қутқарувчилар бригадалари, Қизил Хоч ходимлари ва ўт ўчирувчилар етиб келган. Барча жабрланганларга тиббий ёрдам кўрсатилган, жиддий жароҳат олган йўловчилар, жумладан, беш ёшли бола касалхонага ётқизилган.
Дастлабки маълумотларга кўра, йўл-транспорт ҳодисасига автобус ҳайдовчисининг бошқа автобусдаги ҳамкасби билан кимўзар уюштиргани ва бошқарувни уддалай олмагани сабаб бўлган.
Изоҳ (0)