Мадриднинг «Реал» футбол клуби бош мураббийи Зинедин Зидан «Барселона»га қарши Испания чемпионати 31-тур учрашувидан сўнг ўз фикрлари билан ўртоқлашди, дея хабар бермоқда «Sports.ru».
«Барселона» ва «Реал Мадрид» ўртасидаги учрашув Тошкент вақти билан 3 апрелга ўтар кечаси бўлиб ўтди. Унда «Реал Мадрид» 2:1 ҳисобида ғалаба қозонди.
«Мен жуда бахтиёрман, хусусан, натижадан қониқиш ҳосил қилдим. Танаффусгача биз маълум бир қийинчиликларни ҳис қилаётгандик. ‘Реал Мадрид’ футболчилари билан фахрланаман», — деди Зидан.
Зидан «Барселона» устидан қозонилган ғалаба Мадрид жамоаси учун мавсумнинг ҳал қилувчи палласи бўлиши мумкинми, деган саволга қуйидагича жавоб берди: «Ҳа, бўлиши мумкин. Бизга бу ғалаба зарур эди».
Маълумот учун, 39 ўйинлик мағлубиятсиз серияси «Эль-Класико»да якунига етган «Барселона» 76 очко билан лига пешқадами бўлиб турибди. Мадрид клубларидан «Атлетико» 70, «Реал» 69 очкога эга.
Изоҳ (0)