Barselona metropoliteni xodimlari 2-aprel, shanba, futbol bo‘yicha Ispaniya chempionatining 31-turi doirasida “Barselona” va “Real” o‘rtasida o‘yin bo‘lib o‘tadigan kun navbatdagi ish tashlashni o‘tkazadi. Bu haqda “TASS” xabar bermoqda.
Metropoliten rahbariyati va xodimlar o‘rtasida yangi jamoa kelishuvi tuzilishini talab etayotgan kasaba uyushmasi 31-mart, payshanba kuni kelgusi ish tashlashlar sanasini belgiladi: 2-aprel, shuningdek, shaharda taom festivali o‘tkaziladigan 25—28-aprel.
2-aprelga mo‘ljallangan ish tashlash hisob bo‘yicha ikkinchisi bo‘lib, oldingisi fevral oxirida bo‘lib o‘tgan va Butundunyo mobil kongressi o‘tkazilgan kunga to‘g‘ri kelgandi.
Izoh (0)