Suriyada jang qilgan chechenistonliklarning ko‘pchiligi yo‘q qilindi, 200 ga yaqin kishi qoldi. Bu haqda 25-mart kuni Checheniston Respublikasi rahbari vazifasini bajaruvchi etib tayinlangan Ramzan Qodirov ma’lum qildi, deb yozadi “RIA Novosti”.
“Hozir bizda chechenistonliklarning ko‘pchiligi u yerda halok bo‘lgani haqida ma’lumot bor. Chunki u yerda jang qilayotgan arablar va boshqa millatlar chechenistonliklarni (dushmanga o‘lja sifatida) oldinga o‘tkazib yuborgan… Suriyada 200 ga yaqin chechenistonliklar qolgan. Ular Yevropadan kelgan”, — dedi Qodirov.
Uning fikricha, G‘arb maxsus xizmatlari Yevropadagi chechenistonliklardan foydalanmoqda. “Ularni ataylab tutib turishibdi. Ular maxsus xizmatlarga bog‘liq bo‘lib qolgan. Ular chechenistonliklarga hamma narsa uchun ruxsat beradi: qo‘liga qurol tutqazadi, ularni nimalargadir tayyorlaydi”, — dedi Checheniston rahbari.
Izoh (0)