Сурияда жанг қилган чеченистонликларнинг кўпчилиги йўқ қилинди, 200 га яқин киши қолди. Бу ҳақда 25 март куни Чеченистон Республикаси раҳбари вазифасини бажарувчи этиб тайинланган Рамзан Қодиров маълум қилди, деб ёзади «РИА Новости».
«Ҳозир бизда чеченистонликларнинг кўпчилиги у ерда ҳалок бўлгани ҳақида маълумот бор. Чунки у ерда жанг қилаётган араблар ва бошқа миллатлар чеченистонликларни (душманга ўлжа сифатида) олдинга ўтказиб юборган… Сурияда 200 га яқин чеченистонликлар қолган. Улар Европадан келган», — деди Қодиров.
Унинг фикрича, Ғарб махсус хизматлари Европадаги чеченистонликлардан фойдаланмоқда. «Уларни атайлаб тутиб туришибди. Улар махсус хизматларга боғлиқ бўлиб қолган. Улар чеченистонликларга ҳамма нарса учун рухсат беради: қўлига қурол тутқазади, уларни нималаргадир тайёрлайди», — деди Чеченистон раҳбари.
Изоҳ (0)