Hindistonning Kalkutta shahrida qurilayotgan ko‘prik qulashi oqibatida nobud bo‘lganlar soni 24 kishiga yetdi. Bu haqda “RIA Novosti” xabar bermoqda.
Oldinroq hodisa oqibatida 20 kishi halok bo‘lgani xabar qilingandi.
“Qutqaruv operatsiyasi deyarli yakunlandi. Vayronalar ostida hech kim qolmadi. Jami 90 ga yaqin kishini qutqarishga muvaffaq bo‘lindi”, — deya ma’lum qilgan NDTV telekanaliga rasmiy manba.
Politsiyachilar guruhi ko‘prik pudratchisi bo‘lgan IVRCL kompaniyasi mas’ullarini hibsga olish uchun Kalkuttadan Haydarobodga yo‘l olgani bildirilmoqda. Mazkur inshoot qurilishiga 2009-yilda kirishilgan, uni yakunlash muddati bir necha bor keyinga surilgandi.
Izoh (0)