Classic Driver e’lonlar saytida 1986-yilda chiqarilgan Mercedes-Benz SL rodsteri sotuvga qo‘yildi, deb yozadi Motor. Ta’kidlanishicha, avtomobil yetti karra Formula—1 chempioni Mixael Shumaxerga tegishli bo‘lgan va AMG atelyesida uning iltimosiga ko‘ra, ishlov berilgan. Mashinani 300 ming yevroga baholashdi.
Avtomobil ayni paytda Polshada. Sotuvchi aynan ushbu SL AMG atelyesida dvigateli maxsus buyurtma bo‘yicha almashtirilgan uch mashinadan biri ekanligini qayd etdi. 227 ot kuchiga teng 5,6 litrli V8 agregati 300 ot kuchiga teng 6 litrli agregatga o‘zgartirilgan.
Mashina restavratsiyasi bilan AMG atelyesi sobiq muhandisi Pano Avramidis shug‘ullangani aytilmoqda. Avtomobilni to‘q ko‘k rangga qayta bo‘yashgan, o‘rindiqlarning ikkinchi qatorini qo‘shimcha ravishda o‘rnatishgan va salonni o‘zgartirishgan. Haqiqiy bosgan masofasi noma’lum, ammo saytda “9 999 999 km” deya ko‘rsatilgan.
Izoh (0)