Mercedes-Benz yil oxiriga qadar o‘nta yangi AMG-modelni taqdim etadi
Mercedes-Benz kompaniyasi tyuning-atelyesi bo‘lmish AMG yil oxiriga qadar o‘nta yangi modelni chiqarishni mo‘ljallagan. Shu tariqa, kuchaytirilgan Mercedes modellari safi 48 taga yetadi. Bu haqda Mercedes-AMG rahbari Tobias Moyers ma’lum qildi, deya xabar beradi Motor.
Foto: Motor
Nyu-York avtosalonida taqdimoti o‘tkazilgan C-turkumidagi kabriolet oxirgi AMG-model bo‘ldi. Model to‘rt litrli, benzinli V8 biturbo dvigateli (versiyasiga qarab 476 yoki 510 ot kuchi) bilan jihozlanadi. Kabrioletning eng kuchli modifikatsiyasi 4,1 soniya ichida yuz kilometr tezlikka chiqadi.
Foto: Motor
Bu yil AMG oilasiga mansub to‘rtta model — SLC, C-Class Coupe, E-Class va GLC ham ilk bor namoyish etildi. Ularning barchasi uch litrli V6 motori bilan jihozlangan. Endi Mercedes-Benz AMG GT superkarining kuchaytirilgan versiyasi, shuningdek, Mercedes-AMG GLC 63 krossoverini taqdim etishi ham kutilmoqda.
Izoh (0)