Rossiyaning “Za rulyom” jurnali muxbiri Vadim Kryuchkov xizmat safari bilan O‘zbekistonda bo‘ldi, deya xabar bermoqda “O‘zavtosanoat” aksiyadorlik kompaniyasi.
Rossiyalik jurnalist O‘zbekistonga tashrifi davomida Asakadagi GM Uzbekistan avtomobil zavodida hamda Toshkentdagi General Motors Powertrain Uzbekistan zavodida bo‘lib, O‘zbekiston avtomobil sanoati faoliyati bilan yaqindan tanishdi. Shuningdek, u yangi Ravon brendidagi avtomobilni ham mamlakat yo‘llarida sinovdan o‘tkazdi.
Jurnalistning O‘zbekistondan olgan taassurotlari, xususan, O‘zbekiston avtomobil sanoati faoliyati haqida yozgan maqolasini “Za rulyom” jurnalining navbatdagi sonlarida o‘qishingiz mumkin, deyiladi xabarda.
Izoh (0)