Classic Driver эълонлар сайтида 1986 йилда чиқарилган Mercedes-Benz SL родстери сотувга қўйилди, деб ёзади Motor. Таъкидланишича, автомобиль етти карра Формула—1 чемпиони Михаэль Шумахерга тегишли бўлган ва AMG ательесида унинг илтимосига кўра, ишлов берилган. Машинани 300 минг еврога баҳолашди.
Автомобиль айни пайтда Польшада. Сотувчи айнан ушбу SL AMG ательесида двигатели махсус буюртма бўйича алмаштирилган уч машинадан бири эканлигини қайд этди. 227 от кучига тенг 5,6 литрли V8 агрегати 300 от кучига тенг 6 литрли агрегатга ўзгартирилган.
Машина реставрацияси билан AMG ательеси собиқ муҳандиси Пано Аврамидис шуғуллангани айтилмоқда. Автомобилни тўқ кўк рангга қайта бўяшган, ўриндиқларнинг иккинчи қаторини қўшимча равишда ўрнатишган ва салонни ўзгартиришган. Ҳақиқий босган масофаси номаълум, аммо сайтда «9 999 999 км» дея кўрсатилган.
Изоҳ (0)