Iste’fodagi diplomat, Belgiyaning AQSh va BMTdagi sobiq elchisi, 79 yoshli Andre Adam Bryusseldagi teraktlar chog‘ida halok bo‘lgani tasdiqlandi. Bu haqda “TASS” xabar bermoqda.
Fransiya va Belgiya fuqaroligiga ega Adam diplomatlik faoliyati yakunlanganidan so‘ng oxirgi 20 yildan beri Fransiya janubidagi Laressengl shaharchasida yashab kelayotgandi.
Teraktlar ro‘y bergan paytda Adam va uning turmush o‘rtog‘i Daniel Bryussel aeroportida Mayamiga uchadigan reysni kutayotgandi. Portlashlardan so‘ng diplomatning oilasi bir necha kun mobaynida u haqda ma’lumot ololmagan. Adamning rafiqasi esa og‘ir jarohatlangan va Belgiyaning Leven shahri kasalxonasi reanimatsiya bo‘limiga joylashtirilgan.
Izoh (0)