AQShda ichida 88 yoshli ayol bo‘lgan avtomobilni olib qochgan 14 yoshli o‘smir hibsga olindi. Bu haqda Motor xabar bermoqda.
O‘smir mashinani Chikago yaqinidagi Walgreens gipermarketi avtoturagohidan o‘g‘irlab ketgan. Jabrdiydaning yaqinlari mashinani qoldirib, do‘konga kirib ketgan, chiqqanlarida esa avtomobil ham, keksa ayol ham yo‘q edi. Politsiyachilarning bildirishicha, yosh jinoyatchi ayolni tutqunlikda ushlab turmagan, uni uyigacha olib borib, so‘ng Chikagoga yo‘l olgan va u yerda qo‘lga olingan.
News Channel 4 ma’lumotlariga ko‘ra, o‘smir so‘nggi avlod Chevrolet Impala’ni olib qochgan va unda avariyaga uchragan. Mazkur yo‘l-transport hodisasida politsiya zobiti va 10 yoshli bola yengil jarohat olgan.
Mahalliy huquq-tartibot organlari jinoyatchining ikki nafar sherigi bo‘lganligi va ular oldin ham shu kabi o‘g‘riliklarni sodir etganini ma’lum qilmoqda.
Izoh (0)