S&P xalqaro reyting agentligi Rossiyaning salbiy prognozli BB+ darajasidagi reytingini tasdiqladi, deb yozadi “RBK” agentlik matbuot xizmatiga tayanib. BBB’dan past reytinglar yaroqsiz hisoblanadi.
“Biz bu yil yalpi ichki mahsulot 1,4 foizga kamayishini kutmoqdamiz, 2017-yilda esa Rossiya iqtisodiyoti mo‘tadil o‘sishga qaytadi”, — deyiladi xabarda.
Ta’kidlanishicha, tashqi moliyalashtirishning cheklangani Rossiya valyuta zaxirasiga yana bosim o‘tkazishni boshlashi mumkin, bu korporativ va bank sektorlarida iqtisodiy faollikka putur yetkazishi mumkin.
S&P tahlilchilari Rossiya reytingiga, shuningdek, siyosiy institutlarning zaifligi ham ta’sir o‘tkazmoqda, deb hisoblaydi, bu iqtisodiyotda raqobatning rivojlanishiga to‘sqinlik qilmoqda.
Eslatib o‘tamiz, avvalroq Moody’s xalqaro reyting agentligi Rossiyada milliy shkala bo‘yicha berilgan reytinglarini bekor qilish va Rossiyadagi sho‘basi — “Mudis Interfaks”ni yopishga qaror qilgan edi.
Izoh (0)