Rossiyaning Rostov-Don shahridagi FlyDubai’ning Boeing 737-800 layneri qulagan joyda kamida 700 kishidan iborat qutqaruvchilar guruhi ish olib bormoqda. Bu haqda, “Interfaks” xabariga ko‘ra, Rossiya favqulodda vaziyatlar vaziri Vladimir Puchkov ma’lum qilgan.
“Hodisa joyida tarkibida kamida 700 kishi va 90 dona texnika bo‘lgan guruh ish olib bormoqda”, — dedi vazir.
Eslatib o‘tamiz, 19-mart, shanba kuni FlyDubai aviakompaniyasiga tegishli Boeing 737-800 layneri Rostov-Don aeroportiga qo‘nish vaqtida halokatga uchradi. Hodisa oqibatida 61 kishi halok bo‘lgani aytilmoqda.
Xabar berishlaricha, halokatga uchragan layner o‘zining ilk parvozini 2010-yilda amalga oshirgan, FlyDubai esa samolyotni 2011-yili Boeing kompaniyasidan sotib olgan.
Izoh (0)