AQSh harbiy-havo kuchlari yadro kallaklariga ega ballistik raketalar joylashtirilgan Uorren aviabazasining 14 nafar soqchisiga nisbatan tekshiruv boshladi, deb yozadi “Interfaks”. Ular turli narkotiklar, jumladan, kokain iste’mol qilishda gumon etilmoqda.
Harbiy xizmatchilar xizmat majburiyatlarini bajarishdan vaqtincha chetlatildi.
Britaniyaning The Independent nashri yozishicha, gumonlanuvchilar asosan baza soqchilik xizmati xodimlari bo‘lib, ular orasida ushbu bazaga joylashtirilgan “Minitmen” turidagi qit’alararo ballistik raketalar uchun javobgar ofitserlar yo‘q.
Soqchilarning majburiyatlariga raketa shaxtalari joylashgan hududlarni qo‘riqlash va obyektdagi favqulodda holatlarga javob ko‘rsatish kiradi.
Izoh (0)