S&P халқаро рейтинг агентлиги Россиянинг салбий прогнозли BB+ даражасидаги рейтингини тасдиқлади, деб ёзади «РБК» агентлик матбуот хизматига таяниб. BBB’дан паст рейтинглар яроқсиз ҳисобланади.
«Биз бу йил ялпи ички маҳсулот 1,4 фоизга камайишини кутмоқдамиз, 2017 йилда эса Россия иқтисодиёти мўътадил ўсишга қайтади», — дейилади хабарда.
Таъкидланишича, ташқи молиялаштиришнинг чеклангани Россия валюта захирасига яна босим ўтказишни бошлаши мумкин, бу корпоратив ва банк секторларида иқтисодий фаолликка путур етказиши мумкин.
S&P таҳлилчилари Россия рейтингига, шунингдек, сиёсий институтларнинг заифлиги ҳам таъсир ўтказмоқда, деб ҳисоблайди, бу иқтисодиётда рақобатнинг ривожланишига тўсқинлик қилмоқда.
Эслатиб ўтамиз, аввалроқ Moody’s халқаро рейтинг агентлиги Россияда миллий шкала бўйича берилган рейтингларини бекор қилиш ва Россиядаги шўъбаси — «Мудис Интерфакс»ни ёпишга қарор қилган эди.
Изоҳ (0)