Angolada o‘tgan yil dekabridan beri sariq bezgak tarqalishi tufayli nobud bo‘lganlar soni 158 kishiga yetdi. Poytaxt Luandada bezgak, vabo va surunkali diareyaga chalinish holatlari ham ko‘paygani qayd etilgan. Bu haqda Jahon sog‘liqni saqlash tashkiloti vakili ma’lum qildi, deya xabar beradi “RIA Novosti”.
Shifokorlarning aytishicha, sariq bezgak tarqalishiga Luanda va boshqa shaharlarda sanitariya sharoitlari yomonlashgani, bu esa kasallik tashuvchisi bo‘lgan chivinlar ko‘payishiga olib kelgani sabab bo‘lgan.
Mahalliy sog‘liqni saqlash boshqarmasi boshlig‘i Adelaida de Karvalyoning bildirishicha, shu paytgacha Luandaning 450 ming fuqarosi mazkur kasallikka qarshi vaksinatsiyadan o‘tgan, bu boradagi reja esa 1,6 million kishini tashkil etadi.
Izoh (0)