Braziliya parlamenti 17-mart, payshanba kuni prezident Dilma Russeffga nisbatan impichment masalasini ko‘rib chiquvchi maxsus komissiyani tuzdi, sud esa o‘sha kunning o‘zida Russeffning sobiq davlat rahbari Lulu da Silvani prezident ma’muriyati rahbari etib tayinlash haqidagi qaroriga taqiq qo‘ydi. Bu haqda “Interfaks” xabar bermoqda.
Parlament komissiyasi, jumladan, Russeffga taalluqli budjet taqchilligining real hajmini yashirish bilan bog‘liq ayblovni ko‘rib chiqadi, shundan so‘ng impichment jarayoni rasman ishga tushirilishi mumkin. Parlamentning o‘nlab deputatlari prezidentni iste’fo berishga chaqirdi, impichment bo‘yicha maxsus komissiya tuzish haqidagi qaror esa deyarli bir ovozdan qabul qilindi.
Eslatib o‘tamiz, oldinroq Dilma Russeffning o‘zi siyosiy raqiblari talabiga qaramay iste’foga chiqmasligini ma’lum qilgandi.
Izoh (0)