Toshkent viloyatida Senatga saylov, qo‘sh kamerali iPhone 7, federal Suriya va kunning boshqa muhim xabarlari

17-martning e’tiborga molik yangiliklari — “Daryo”ning kechki dayjestida.

1. 26-mart kuni Toshkent viloyatining sobiq hokimidan bo‘shab qolgan o‘ringa Senat a’zosi saylanadi. Toshkent viloyatining sobiq hokimi Ahmadjon Usmonov o‘z lavozimidan ozod etilganidan so‘ng, Toshkent viloyatidan saylangan senatorlar soni bittaga kamaygan edi.

2. Suriya shimolida kurd federal mintaqasi yaratilgani e’lon qilindi. Suriya Tashqi ishlar vazirligi esa Rumaylandagi syezdni va uning qarorlarini tanqid ostiga oldi.

3. Obama KXDRga qarshi yangi sanksiyalar joriy etish haqidagi farmoyishni imzoladi. Bu Shimoliy Koreyaning 6-yanvar kuni yadro sinovi o‘tkazganligi va 7-fevral kuni ballistik raketa uchirganligiga javoban amalga oshirilganligi ta’kidlanmoqda.

4. “Tomoshabin har doim haq degan fikrga qo‘shilmayman”. Zulfiqor Musoqov “Xazonrezgi”ning premyerasi arafasida katta intervyu berdi.

5. iPhone 7’ning yangi suratlari qo‘sh kamera mavjudligini tasdiqladi. Ikkita obyektivga ega kamera iPhone 7 orqa korpusining tekis yuzasidan biroz bo‘rtib chiqib turishi taxmin etilmoqda.