Тошкент вилоятида Сенатга сайлов, қўш камерали iPhone 7, федерал Сурия ва куннинг бошқа муҳим хабарлари

17 мартнинг эътиборга молик янгиликлари — «Дарё»нинг кечки дайжестида.

1. 26 март куни Тошкент вилоятининг собиқ ҳокимидан бўшаб қолган ўринга Сенат аъзоси сайланади. Тошкент вилоятининг собиқ ҳокими Аҳмаджон Усмонов ўз лавозимидан озод этилганидан сўнг, Тошкент вилоятидан сайланган сенаторлар сони биттага камайган эди.

2. Сурия шимолида курд федерал минтақаси яратилгани эълон қилинди. Сурия Ташқи ишлар вазирлиги эса Румайландаги съездни ва унинг қарорларини танқид остига олди.

3. Обама КХДРга қарши янги санкциялар жорий этиш ҳақидаги фармойишни имзолади. Бу Шимолий Кореянинг 6 январь куни ядро синови ўтказганлиги ва 7 февраль куни баллистик ракета учирганлигига жавобан амалга оширилганлиги таъкидланмоқда.

4. «Томошабин ҳар доим ҳақ деган фикрга қўшилмайман». Зулфиқор Мусоқов «Хазонрезги»нинг премьераси арафасида катта интервью берди.

5. iPhone 7’нинг янги суратлари қўш камера мавжудлигини тасдиқлади. Иккита объективга эга камера iPhone 7 орқа корпусининг текис юзасидан бироз бўртиб чиқиб туриши тахмин этилмоқда.