Bryusseldagi aksilterrorchilik operatsiya chog‘ida politsiya gumonlanuvchilardan birini otib tashladi, deb yozadi Meduza mahalliy OAVlarga tayanib. Terrorchi deb taxmin qilinayotgan yana ikki nafar shaxsni qidirish ishlari davom etmoqda.
Gumonlanuvchi terrorchi deb taxmin etilayotgan shaxslar o‘rnashib olgan xonadonga uyushtirilgan shiddatli hujumda o‘ldirilgan. Uning shaxsi aniqlanganicha yo‘q.
Operatsiya davomida to‘rt politsiyachi yaralandi.
Fransiya ichki ishlar vaziri so‘zlariga ko‘ra, operatsiyada fransiyalik politsiyachilar ishtirok etgan.
Eslatib o‘tamiz, Parijda 2015-yil 13-noyabrda sodir etilgan teraktlarni tekshirayotgan Belgiya politsiyasi 15-mart, seshanba kuni olib borgan navbatdagi tintuvlaridan so‘ng Bryusselning Fore kommunasida otishma yuzaga kelgan edi.
Izoh (0)