Eto’O: “Real”dagilar qora tanlilarni yoqtirishmasdi

Turkiyaning “Antalyaspor” jamoasining kamerunlik forvardi Samuel Eto’O nima uchun Madridda ishi o‘xshamaganligini tushuntirib berdi, deb yozadi “Korrespondent.net”.

“16 yoshligimda ‘Real’ tarkibida o‘ynagan vaqtimda hech kim meni hurmat qilmasdi. Hatto mening klubdoshlarim ham. Ular men bilan salomlashmasdi va go‘yoki, meni ko‘rishni istamagandek muomalada bo‘lardi”, — dedi u.

“Ko‘p gollar urganimga qaramasdan, mana shunday bo‘lardi. Men ahamiyatga ega odamga aylanishni xohlardim. ‘Real’dan ketishni istamagandim, ammo shunday bo‘lib qoldi. Menga ‘Real’da nega bunday munosabatda bo‘lishganini hozirgacha tushunmayman. Men doim yaxshi o‘ynaganman. Menimcha, buning yagona sababi — ‘Real’da qora tanlilarni yoqtirishmagan”, — deya xulosa qildi Eto’O.

Nashr eslatishicha, Eto’O “Real” tarkibida 1997—2000-yillarda o‘ynagan.