Rossiya sport vaziri mamlakat yengil atletikachilari Olimpiadani o‘tkazib yuborishi mumkinligini fojia hisoblamasligini bildirdi

Rossiya yengil atletikachilari tomonidan Rio-de-Janeyrodagi Olimpiadaning o‘tkazib yuborilishini fojia hisoblamaslik kerak. Bu haqda Rossiya sport vaziri Vitaliy Mutko ma’lum qildi, deya xabar beradi “RBK”.

“Samolyotdagi terakt, unda odamlarimizning halok bo‘lishi — fojia. Bizni o‘yinlarga qo‘ymasliklari mumkinligi fojia emas”, — deya ta’kidlagan Mutko.

Vazirning aytishicha, Rossiyada hech qachon doping bilan bog‘liq muammolar inkor etilmagan. “Biz yengil atletikada muammolar yo‘qligi haqida gapirmaganmiz, ular mavjud. Biz bu narsa faqat Rossiyaning muammosi emasligi, doping butun dunyo sportiga daxldor muammo ekanligini bildirganmiz”, — deya izoh bergan Mutko.